ಚೌಕ ನಂತರ ಮತ್ತೊಂದು ತಂದೆ ಮಗಳ ಬಾಂಧವ್ಯದ ಹಾಡು ಜೂಲಿಯಟ್ 2 ಚಿತ್ರದಲ್ಲಿ ಭಾವಪೂರ್ಣ ಗೀತೆ*
Posted date: 06 Mon, Feb 2023 10:24:07 AM
ತಂದೆ ಮಗಳ ನಡುವಿನ ಬಾಂಧವ್ಯದ ಕಥೆ ಹೇಳುವ ಚಿತ್ರ ಜ್ಯುಲಿಯೆಟ್ 2. ಮಹಿಳಾಪ್ರದಾನ ಕಥಾಹಂದರ ಹೊಂದಿರುವ ಈ ಚಿತ್ರದಲ್ಲಿ ತಂದೆಯನ್ನು ಕುರಿತಾಗಿ ಮಗಳ ಮನದಲ್ಲಿ ಮೂಡುವ ಭಾವನೆಗಳನ್ನು ಹಾಡಿನ ರೂಪದಲ್ಲಿ ಹೇಳಲಾಗಿದೆ.
ಇತ್ತೀಚೆಗೆ ಚಿತ್ರದ ಈ ಭಾವಪೂರ್ಣ ಹಾಡು ಬಿಡುಗಡೆಯಾಗಿದ್ದು, ಎಲ್ಲಾ ಕಡೆ ವೈರಲ್ ಆಗುತ್ತಿದೆ. `ನೆನಪಲ್ಲಿ ಈಗ ಅವಳಿರದ ಜಾಗ` ಎಂಬ ಸುಖೀರ್ತ್ ಶೆಟ್ಟಿ ಅವರ ಸಾಹಿತ್ಯವಿರುವ, ತಂದೆ ಮಗಳ ನಡುವಿನ ಬಾಂಧವ್ಯದ ಕಥೆ ಹೇಳುವ ಈ ಹಾಡಿಗೆ ಸಂದೀಪ್ ಆರ್.ಬಲ್ಲಾಳ್ ಅವರು ರಾಗಸಂಯೋಜನೆ ಮಾಡಿದ್ದು, ಮಲ್ಲಿಕಾ ಮಟ್ಟಿ ಅವರು ಸುಶ್ರಾವ್ಯವಾಗಿ ಹಾಡಿದ್ದಾರೆ. ಆನಂದ್ ಆಡಿಯೋ ಈ ಹಾಡನ್ನು ಹೊರತಂದಿದ್ದು, ತಾಯಿಯ ಪ್ರೀತಿ ಕಳೆದುಕೊಂಡು ತಂದೆಯ ಬಾಂದವ್ಯದಲ್ಲಿ ಬೆಳೆದಿರೋ ಪ್ರತೀ ಹೆಣ್ಣಿನ ಮನಮುಟ್ಟುವ ಹಾಡು ಇದಾಗಿದೆ. ಮೊನ್ನೆಯಷ್ಟೇ ಬಿಡುಗಡೆಯಾದ ಈ ಹಾಡಿಗೆ ಕೇಳುಗರಿಂದ ಅದ್ಭುತ ಪ್ರತಿಕ್ರಿಯೆ ಬರುತ್ತಿದ್ದು, ಈಗಾಗಲೇ ಆರೂವರೆ ಲಕ್ಷಕ್ಕೂ ಹೆಚ್ಚು ವೀಕ್ಷಣೆಯಾಗುವ ಮೂಲಕ ವೈರಲ್ ಆಗಿದೆ. ಪ್ರೇಮಂ ಪೂಜ್ಯಂ ಖ್ಯಾತಿಯ ಬೃಂದಾ ಆಚಾರ್ಯ, ಜ್ಯೂಲಿಯೆಟ್ 2 ಚಿತ್ರದಲ್ಲಿ ನಾಯಕಿ ಜೂಲಿಯೆಟ್ ಪಾತ್ರ ನಿರ್ವಹಿಸಿದ್ದಾರೆ.
ತಂದೆ ಮಗಳ ನಡುವಿನ ಮಧುರ ಬಾಂಧವ್ಯದ ಸುತ್ತ ಹೆಣೆಯಲಾದ, ವುಮನ್ ಸೆಂಟ್ರಿಕ್ ಕಥಾಹಂದರ ಹೊಂದಿರುವ ಈ ಚಿತ್ರಕ್ಕೆ ವಿರಾಟ್ ಬಿ. ಗೌಡ ಅವರು ಕಥೆ, ಚಿತ್ರಕಥೆ ಬರೆದು ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಲಿಖಿತ್ ಆರ್. ಕೋಟ್ಯಾನ್ ಅವರು ಈ ಚಿತ್ರವನ್ನು ನಿರ್ಮಿಸಿದ್ದಾರೆ.
ತನ್ನ ತಂದೆಯ ಕೊನೆಯ ಆಸೆಯನ್ನು ಈಡೇರಿಸಲು ಹುಟ್ಟೂರಿಗೆ ಬಂದು ನೆಲೆಸುವ ನಾಯಕಿ ಜೂಲಿಯಟ್ ಗೆ ಅಲ್ಲಿ ಏನೆಲ್ಲ ಅಡೆ ತಡೆಗಳು ಎದುರಾಗುತ್ತದೆ, ಶಾಂತರೂಪಿಯಾದ ಹೆಣ್ಣಿಗೆ, ಏನಾದರೂ ತೊಂದರೆಯಾದಾಗ ಆಕೆ ಹೇಗೆ ದುರ್ಗೆಯ ಅವತಾರ ತಾಳುತ್ತಾಳೆ ಎಂದು ಈ ಚಿತ್ರದಲ್ಲಿ ಹೇಳಲಾಗಿದೆ. ಹೆಣ್ಣೊಬ್ಬಳಿಗೆ ತನ್ನ ಜೀವನದಲ್ಲಿ ಎಲ್ಲಾ ದಾರಿಗಳು ಮುಚ್ಚಿ ಹೋದಾಗ, ಆಕೆ ತನ್ನತನವನ್ನು ಹೇಗೆ ರಕ್ಷಿಸಿಕೊಳ್ಳುತ್ತಾಳೆ ಎಂದು ಈ ಚಿತ್ರದ ಮೂಲಕ ನಿರ್ದೇಶಕ ವಿರಾಟ್ ಬಿ.ಗೌಡ ಅವರು ಹೇಳಹೊರಟಿದ್ದಾರೆ.
Kannada Cinema's Latest Wallpapers
.jpg)
.jpg)
.jpg)
Kannada Cinema's Latest Videos
Error, Select (_footer_contact_) query failed