ಅಮೇಜಾನ್ ಪ್ರೈಮ್ನಲ್ಲಿ ಮಮ್ಮೂಟ್ಟಿ ಅಭಿನಯದ ಕನ್ನಡದ `ಶೈಲಾಕ್`

Posted date: 28 Wed, Sep 2022 08:45:59 AM

ಮಲಯಾಳಂನ ಸೂಪರ್ಸ್ಟಾರ್ ಮಮ್ಮೂಟ್ಟಿ ಅಭಿನಯದ `ಶೈಲಾಕ್` ಚಿತ್ರವು ಇತ್ತೀಚೆಗಷ್ಟೇ ಕೇರಳದಲ್ಲಿ ಬಿಡುಗಡೆಯಾಗಿ ಜಯಭೇರಿ ಬಾರಿಸಿದೆ. ಈಗ ಈ ಚಿತ್ರವು ಕನ್ನಡಕ್ಕೆ ಡಬ್ ಆಗಿರುವುದಷ್ಟೇ ಅಲ್ಲ, ಆ ಕನ್ನಡ ಅವತರಣಿಕೆಯು ಅಮೇಜಾನ್ ಪ್ರೈಮ್ನಲ್ಲಿ ಲಭ್ಯವಿದೆ.

ಗುಡ್ವಿಲ್ ಎಂಟರ್ಟೈನ್ಮೆಂಟ್ಸ್ನಡಿ ಜೋಬಿ ಜಾರ್ಜ್ ನಿರ್ಮಿಸಿ, ಅಜಯ್ ವಾಸುದೇವ್ ನಿರ್ದೇಶಿಸಿರುವ `ಶೈಲಾಕ್` ಚಿತ್ರವು ಕೇರಳದಲ್ಲಿ 80 ಕೋಟಿ ರೂ.ಗಳಳೀಗೂ ಹೆಚ್ಚು ಗಳಿಕೆ ಮಾಡಿ ಬ್ಲಾಕ್ಬಸ್ಟರ್ ಎಂದನಿಸಿಕೊಂಡಿತ್ತು. ಈ ಚಿತ್ರವು ತೆಲುಗು ಮತ್ತು ತಮಿಳಿಗೆ ಡಬ್ ಆಗಿ ಆಹಾ ಓಟಿಟಿಯಲ್ಲಿ ಸ್ಟ್ರೀಮ್ ಆಗುತ್ತಿದೆ. ಇದೀಗ ಚಿತ್ರವು ಕನ್ನಡಕ್ಕೆ ಡಬ್ ಆಗಿದ್ದು, ಅಮೇಜಾನ್ ಪ್ರೈಮ್ನಲ್ಲಿ ನೋಡಬಹುದಾಗಿದೆ.

ಇದೊಂದು ಆಕ್ಷನ್ ಥ್ರಿಲ್ಲರ್ ಚಿತ್ರವಾಗಿದ್ದು, ಮಮ್ಮೂಟ್ಟಿ ಅವರು ಬಾಸ್ ಎಂಬ ಫೈನಾನ್ಶಿಯರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಹಲವು ಜಾನರ್ಗಳಿಗೆ ಸಲ್ಲುವ ಚಿತ್ರ ಇದ್ದಾಗಿದ್ದು, ಮೊದಲು ಕಾಮಿಡಿಯಿಂದ ಪ್ರಾರಂಭವಾಗಿ, ಥ್ರಿಲ್ಲರ್ ಆಗಿ ಮುಂದುವರೆದು, ಸೇಡಿನ ಕಥೆಯಾಗಿ ಮುಗಿಯುತ್ತದೆ. ಪಕ್ಕಾ ಮಾಸ್ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಈ ಚಿತ್ರ ಬಿಡುಗಡೆಯಾದ ಕಡೆಯೆಲ್ಲ ಮೆಚ್ಚುಗೆಗೆ ಪಾತ್ರವಾಗಿದೆ.

`ಶೈಲಾಕ್`ಚಿತ್ರದಲ್ಲಿ ಮಮ್ಮೂಟ್ಟಿ ಜತೆಗೆ ರಾಜ್ಕಿರಣ್, ಮೀನಾ, ಸಿದ್ದೀಖ್, ಬಿಬಿನ್ ಜಾರ್ಜ್, ಬೈಜು ಸಂತೋಷ್, ಕಲಾಭವನ್ ಶಾಜೋನ್ ಮುಂತಾದವರು ನಟಿಸಿದ್ದು, ಗೋಪಿಸುಂದರ್ ಸಂಗೀತ ಸಂಯೋಜಿಸಿದ್ದಾರೆ.

Kannada Cinema's Latest Wallpapers

Kannada Cinema's Latest Videos

Error, Select (_footer_contact_) query failed